Astanalyq ardagerler 9 mamyrda Astana Taxi qyzmetin tegin paıdalanady
ASTANA. QazAqparat - 9 mamyr Jeńis kúniniń qurmetine oraı Astana Taxi UOS ardagerlerin tasymaldaý úshin 45 avtokólik usynady, dep habarlaıdy elorda ákimdiginiń resmı saıty.
"Bul bizdiń uly mereke týraly estelik pen batyrlarymyzǵa qosqan kishigirim úlesimiz, olardyń dańqy máńgi jasaı bersin!" - dedi tasymaldaý kompanııasynyń ókilderi.
Esterińizge sala keteıik, Astana Taxi jobasy astana qalasy ákimdiginiń qoldaýymen 2017 jyly 2 mamyrda Memleket basshysynyń biryńǵaı taksı qyzmetin qurý týraly tapsyrmasyn oryndaý maqsatynda ashylǵan bolatyn. Astana Taxi quramynda 380 avtomobıli bar 10 resmı tasymaldaýshy biriktirilgen.
