Astanalyq alaıaq elordanyń 8 turǵynyn ınternet arqyly sazǵa otyrǵyzyp ketken
ASTANA. QazAqparat - 15-17 qazan kúnderi elordalyq polıtseıler «Anti-fraud» respýblıkalyq profılaktıkalyq is-sharasyn ótkizdi. Ol aqparattyq tehnologııalar salasyndaǵy qylmystyń jolyn kesý, eskertý jáne ashýǵa baǵyttalǵan, dep habarlaıdy Astana qalasy ákimdiginiń resmı saıty.
ІІD-nyń málimeti boıynsha, shara barysynda 20 qylmystyq quqyq buzýshylyq anyqtalǵan jáne ashylǵan. Negizgi bóligi - ınternet-alaıaqtyq.
«Іs-shara barysynda polıtseıler 25 jastaǵy esh jerde jumys istemeıtin qaraǵandylyq kelinshekti ustaǵan. Áıel alaıaqtyq áreketterin ınternet arqyly júzege asyrǵan. Negizinen ol Instagram áleýmettik jelisinde qymbat tondar men áshekeı buıymdaryn arzan baǵada usynyp kelgen. Al klıentterimen tek WhatsApp jelisi arqyly ǵana tildesken, sebebi daýysynan tanyp qoımasyn dep saqtanǵan. Ol ózgelerdiń banktegi shottaryn qoldanyp kelgen, klıent aqshasyn aýdarysymen nomerdi buǵattap, akaýntty jáne uıaly telefon nomerin de óshirip tastap otyrǵan. Negizinen ol klıentterinen aqshany Qiwi-ámııan arqyly alyp otyrǵan. Osylaısha ol qalamyzdyń segiz turǵynyn san soqtyryp 1 mln teńge kóleminde qarjy alǵan. Qazirgi ýaqytta ustalǵan azamatsha qamaýǵa alynyp, QR QK 190-babynyń 2 bólimi boıynsha sotqa deıingi tergeý júrgizilýde (alaıaqtyq)», delingen habarlamada.
Astana qalasy ІІD qyzmetkerleri ınternet satyp alýshylarǵa taýardy tek senimdi satýshylardan alýdy jáne taýar qolyńyzǵa tıgen soń ǵana tólem jasaýǵa keńes beredi. Keri baılanys poshtasyn anyqtaý jáne pikirlerge nazar salý. Jarnama astynda óz pikirin nemese oıyn jazyp qaldyrýǵa tyrysý. Sizdiń jazbańyz ózge adamdarǵa kórinip turýy kerek jáne ákimshi ony óshirmeýi tıis.
«Satýshydan taýardyń túrli tustan túsirilgen fotosyn suraý nemese vıdeo qońyraý shalý. Eger satýshy osynyń birinde jasaýǵa kelispese ol kúmándi satýshy degen sóz», delingen ІІD habarlamasynda.
Sondaı-aq, satýshyǵa jeke aqparattar men bank kartasy, esep-shot, kodtaryn berýge bolmaıdy.
