Astanalyq alaıaq áıel Soltústik Qazaqstan turǵynyn aldap ketken
PETROPAVL. QazAqparat - Soltústik Qazaqstan oblysy polıtseıleri eki kúnde 11 ınternet-alaıaqtyq faktisin ashty, dep habarlaıdy QazAqparat tilshisi.
SQO ІІD baspasóz qyzmetiniń aqparatyna qaraǵanda, astanalyq áıeldiń alaıaqtyǵynan Soltústik Qazaqstan turǵyny zardap shekken. Kolesa.kz saıtynan ózine qajetti qosalqy bólshekterdi tapqan er adam satýshynyń bank kartasyna tıisti aqshany aýdarǵan. Sodan soń «satýshy izin sýytqan».
Departament qyzmetkerleri Astananyń 37 jastaǵy turǵynyn anyqtady. Áıel adam úıde otyryp, saıtta túrli markaly avtomobılderdiń qosalqy bólshekteri satylatynyn jarııalaǵan. Áıel er adamǵa aqshasyn qaıtaryp bergen soń, oqıǵa taraptardyń ymyraǵa kelýimen aıaqtaldy.
Qylmystyq polıtsııa basqarmasynyń bastyǵy Petr Klımov bul ınternet-alaıaqtyqtyń eń kóp taraǵan túri ekenin aıtady. Sengish azamattar alaıaqtardyń shyn sózine senip, aqsha aýdaryp jatady. Alaıaqtar jalǵan jarııalanymdaryn kóbinese Kolesa, Olx, Instagram, Krisha sekildi tanymal ınternet alańdarda jarııalaıdy.
