Astanalyq aqyn-jazýshylar daryndy balalarmen kezdesti
Mektep kitaphanashysy Shyryn Ábdihalyqovanyń uıymdastyrýymen «Tálim, tárbıe - kitap» atty taqyryppen ótken ǵylymı konferentsııada kitaptyń bala tárbıesindegi mańyzy jan-jaqty aıtyldy. Oqýshylar kitap týraly qyzyqty derekter keltirip, ataqty ǵalymdardyń ómirinen maǵlumattar aıtyp, óleń oqyp, óz ónerlerin ortaǵa saldy.
Kezdesý barysynda oqýshylar jazýshy Tolymbek Ábdiraıymnyń shyǵarmashylyǵyna sholý jasap, «Basqa pále - tilden» atty áńgimesin ózara talqylady. Pikir almasý kezinde jazýshyǵa suraqtar qoıylyp, kókeılerinde júrgen saýaldarǵa jaýap aldy. Balalar aqyny Nurlan Qalqanyń shyǵarmashylyǵyn qysqasha sholyp ótken soń, oqýshylardyń suraýy boıynsha aqyn óz óleńin oqyp, saýaldarǵa jaýap berdi. Kezdesý sońynda Daryndy balalarǵa arnalǵan «Zerde» mektebiniń dırektory Álııa Seksenova mektep oqýshylary arasynda ótkizilgen «Meniń súıikti kitabym» atty baıqaýdyń jeńimpazdary Jibek Muqysheva, Nazerke Bolatqyzy, Arýjan Ashyqbaeva, t.b. oqýshylarǵa dıplomdar tapsyrdy.
