Astanalyq 50 zeınetker shańǵy jarysyna qatysty

ASTANA. QazAqparat - Uly Otan soǵysyndaǵy Jeńistiń 70 jyldyǵyna arnalǵan shańǵy saıysyna 50 astam astanalyq ardager men zeınetker qatysty. Jyl saıynǵy jarysqa qatysýshylar bıyl da sporttyq qulshynystaryn kórsetip, salaýatty ómir saltyn nasıhattaýǵa óz úlesterin qosty. Bul týraly elorda ákimdiginiń resmı saıty habarlady.

«Bes jyl kóleminde ótkizilip kele jatqan bul jarys jaqsy dástúrge aınaldy. Búgingi saıystyń basty maqsaty - ardagerler men zeınetkerlerdiń densaýlyǵyna kóńil bólý. Ózimiz úlgi kórsetip, jastardy salaýatty ómir saltyn ustanýǵa shaqyramyz», - dedi qalalyq Ardagerler keńesi tóraǵasynyń orynbasary Esbolat Dúısenov.

Shańǵy jarysyna Astananyń úsh aýdanynyń ardagerleri qatysty. Jarys qorytyndysy boıynsha áıelder arasyndaǵy saıysta Lıýdmıla Staryh kósh bastady. Al erler arasynda birinshi oryndy Leonıd Antonov pen Vasılıı Kýchın bólisti. Jalpykomandalyq esepte «Saryarqa» aýdany úzdik dep tanyldy. Ekinshi orynǵa «Esil», sáıkesinshe úshinshi orynǵa «Almaty» aýdanynyń ardagerler quramasy turaqtady. Jeńimpazdar men júldegerler medaldar men baǵaly syılyqtarmen marapattaldy.