Astanalyq 46 mektep túlegi ákimniń bilim grantyna ıe boldy
TANA. 23 qyrkúıek. QazAqparat /Jasulan Amanbaıuly/ - Búgin aǵymdaǵy jyly mektep bitirgen 46 túlek Astana qalasy ákiminiń áleýmettik bilim granttaryna ıe boldy
Granttardy elorda basshysynyń orynbasary Aıda Balaeva tabystady.
Onyń atap kórsetkenindeı, Astana qalasy ákiminiń bilim granttary 2004 jyldan bastap, áleýmettik kómekke asa zárý - tul jetimderge, týa bitken múgedekterge, balalar úıleriniń tárbıelenýshilerine, kóp balaly otbasylar men ata-anasynyń qamqorlyǵynsyz qalǵan balalarǵa berilip keledi.
«Osy ýaqytqa deıin mundaı granttar 253 balaǵa berildi. Olardyń 105-i joǵary oqý oryndaryn támamdap, ekonomıkanyń túrli salalarynda qyzmet etip júr», - deıdi A. Balaeva.
Aǵymdaǵy jyly osy maqsatta qala bıýdjetinen 41,4 mıllıon teńge bólingen. Ákimniń granttary elordanyń eńbek naryǵyna barynsha qajetti - tehnıkalyq, pedagogıkalyq jáne medıtsınalyq mamandyqtar boıynsha L.Gýmılev atyndaǵy Eýrazııa Ulttyq ýnıversıtetine, S.Seıfýllın atyndaǵy Qazaq agrotehnıkalyq ýnıversıtetine baǵyttaldy.
