Astanalyq 23 dáriger shet elderge attandy
ASTANA. 18 maýsym. QazAqparat - Astananyń 14 jyldyǵy merekesin ótkizýge baılanysty Astana qalasy Densaýlyq saqtaý basqarmasy medıtsınalyq qyzmetkerler men dárigerlerdiń jumysyn qorytyndylady.
Jalpy Astanada 2576 dáriger men 4236 orta sanatty medıtsınalyq qyzmetker bar. Biliktiligin arttyrý, tájirıbe almasý jáne ózge elderdiń jetistikterimen tanysý maqsatynda astanalyq densaýlyq saqtaý salasynyń medıtsınalyq qyzmetkerleri alys jáne jaqyn shet elde, sondaı-aq el ishinde biliktilikterin arttyrmaq.
2012 jyly densaýlyq saqtaý salasynda el ishinde 510 medıtsınalyq qyzmetker (286 dáriger, 224 orta sanatty medıtsınalyq personal) biliktiligin arttyrǵan. Shetelge oqýǵa 23 maman jiberilgen. (19 dáriger, 4 orta sanatty medıtsınalyq qyzmetker).
«Astana Tańdaýy 2012» baıqaýynda «Astananyń Halyq qaharmany» ataǵyna 16 medıtsınalyq qyzmetker usynylǵan. Olardyń qatarynan eń laıyqtysyn qala turǵyndary tańdaıdy.
