Astanalyq 22 júrgizýshi ómir boıy kólik júrgizý quqyǵynan aıyrylýy múmkin
NUR-SULTAN. QazAqparat – Nur-Sultanda 22 júrgizýshi ómir boıy kólik júrgizý quqynan aıyrylýy múmkin. Bul týraly qalalyq polıtsııa departamenti anyqtaý basqarmasynyń bastyǵy Dıas Toqatov, dep habarlaıdy QazAqparat tilshisi.
Quqyq qorǵaý salasynyń ókili jyl basynan beri elorda aýmaǵynda bolǵan jol-kólik oqıǵalaryna baılanysty qozǵalǵan qylmystyq ister týraly málimet berdi.
«Bıyldyqqa polıtsııa qyzmetkerleri 430 mas júrgizýshini anyqtady. Onyń ishinde 408 júrgizýshi 15 táýlikke qamaýǵa alynyp, ákimshilik jaýapkershilikke tartyldy. Al 22 júrgizýshige qatysty osyndaı buzýshylyq jasaǵany úshin Qylmystyq kodekstiń 346-baby boıynsha qylmystyq is qozǵalyp, ýaqytsha ustaý ızolıatoryna qamaldy. ıAǵnı, bul adamdar kólik júrgizý quqynan aıyrylǵandaryna qaramastan, mas kúıde kólik júrgizgen. Olar tutqyndalyp, qamaýǵa alyndy», - dedi Dıas Toqatov.
Osy oqıǵalar boıynsha Nur-Sultan qalasy mamandandyrylǵan aýdanaralyq tergeý sotynyń úkimimen 12 adamǵa qatysty «kúzetpen ustaý», 10 adamǵa qatysty «úıqamaq» túrindegi bultartpaý sharalary taǵaıyndalǵan.
«Sonda úsh aıdyń ishinde 22 qylmystyq isti sotqa joldadyq. Qylmystyq kodekstiń 346-baby boıynsha olardy ómir boıy kólik júrgizý quqyǵynan aırylý jazasy kútip tur»,- dedi basqarma bastyǵy.
