Astanalyqtar jaz boıy tegin ıogamen aınalysa alady
ASTANA. KAZINFORM — Ortalyq saıabaqta ashyq aspan astyndaǵy tegin ıoga sabaqtary ótedi, dep habarlaıdy elorda ákimdiginiń resmı saıty.
Astanada ashyq aspan astynda qala turǵyndary ıoga jattyǵýyn jasady. Ortalyq saıabaqta bas qosqandar boıy men oıyn sergitip, salaýatty ómir saltyn qalyptastyrýǵa úles qosty. Densaýlyqty nyǵaıtýǵa arnalǵan joba Astana qalasy ákimdiginiń qoldaýymen jáne qalalyq Dene shynyqtyrý jáne sport basqarmasynyń uıymdastyrýymen iske asty.
— Іs-sharaǵa 40-tan astam adam tartyldy. Salaýatty ult — el bolashaǵynyń kepili. Mundaǵy maqsat salaýatty ómir saltyn qalyptastyrýǵa baǵyttaldy. Jattyǵý barysynda sharaǵa qatysýshylar bilikti jáne tájirıbeli nusqaýshylardyń jetekshiligimen dene daıyndyǵyn jaqsartýǵa baǵyttalǵan jattyǵýlar jasady. Bıyl ekinshi ret uıymdastyrylyp otyrǵanyn aıta ketkenim jón bolar, — dedi Astana qalasy ákimdiginiń sporttyq-buqaralyq is-sharalardy ótkizý dırektsııasy basshysynyń orynbasary Erjigit Óserbaı.
Uıymdastyrýshylardyń aıtýynsha, ıoga sabaqtary úsh aı boıy jalǵasa beredi.
Budan buryn Halyqaralyq Olımpıada kúni Astanada júzýden jarystar ótkenin jazdyq.
