Astanalyqtar telefonǵa emes, kitapqa úńildi: marafonǵa 126 myń adam qatysty

ASTANA. KAZINFORM — Astana turǵyndary respýblıkalyq «Oqıtyn ult» marafony aıasynda 100 myńǵa jýyq kitap oqydy. Ulttyq jobaǵa búginde 126 926 elorda turǵyny qatysyp jatyr. Olardyń qatarynda mektep oqýshylary, stýdentter, pedagogter, memlekettik qyzmetshiler jáne túrli sala ókilderi bar, dep habarlaıdy elorda ákimdiginiń resmı saıty.

oqýshy, kitap oqý
Foto: Astana ákimdigi

16 qarashadaǵy málimet boıynsha, marafonǵa qatysýshylar oqyǵan shyǵarmalary týraly pikirlerin qaldyrǵan. Onyń ishinde 93 768 pikir moderatsııadan sátti ótip, oqyrmandarǵa tıisti upaılar eseptelgen.

oqýshy, kitap oqý
Foto: Astana ákimdigi

Marafonǵa eń kóp qatysyp jatqan — elordalyq mektep oqýshylary.

kitap, balalar ádebıeti
Foto: Astana ákimdigi

«Oqıtyn mektep» baǵyty 50 566 qatysýshyny biriktirip, eń aýqymdy baǵytqa aınaldy. Olar oqyǵan kitaptary týraly 37 751 pikir qaldyrǵan.

kitaphana, kitap oqý, oqýshy
Foto: Astana ákimdigi

Jobaǵa stýdent jastar da belsendi qatysýda. «Oqıtyn ýnıversıtet» baǵytyna 21 640 adam tirkelip, 7 475 pikir jarııalaǵan. Al elordalyq kolledjderden 20 632 qatysýshy qosylyp, 20 566 kitap oqyǵan.

kitaphana, kitap oqý
Foto: Astana ákimdigi

Marafonǵa 10 447 pedagog te qatysyp jatyr. Olar 17 593 pikir qaldyrǵan. Onyń 17 045-i moderatsııadan ótken.

kitap oqý
Foto: Astana ákimdigi

Elorda aýdandarynyń turǵyndary arasynda da oqýǵa degen qyzyǵýshylyq joǵary.

kitap oqý
Foto: Astana ákimdigi

Aıta keteıik, «Oqıtyn ult» ulttyq jobasy kitap oqýdy nasıhattaýǵa, otandyq jáne álem ádebıetine degen qyzyǵýshylyqty arttyrýǵa, sondaı-aq halyq arasynda oqý mádenıetin qalyptastyrýǵa baǵyttalǵan.

kitaphana
Foto: Astana ákimdigi

Marafonnyń kitap oqý kezeńi 2027 jylǵy 9 naýryzǵa deıin jalǵasady.

kitaphana, kitap oqý
Foto: Astana ákimdigi

Odan keıin qatysýshylar testileý men zııatkerlik kvızderge qatysady.

kitap oqý, kitaphana
Foto: Astana ákimdigi

Barlyq kezeńniń qorytyndysy boıynsha respýblıkalyq deńgeıde jyldyń úzdik 10 oqyrmany anyqtalady.

Buǵan deıin Ulttyq kitaphanaǵa keletin jastar sany kóbeıgenin jazǵanbyz.