Astanalyqtar short-trekten el quramasyn saltanatpen qarsy aldy
ASTANA. KAZINFORM - Short-trekten Qazaqstan quramasy Qysqy Azııa oıyndary jáne álemdik týr dodasynan oraldy.
Sportshylardy Ulttyq ulannyń úlgili-kórsetimdi orkestri aıbyndy áýenmen jáne sarbazdar saltanatty túrde sap túzep qarsy aldy.
Sharaǵa sportshylardyń týǵan týystary jáne elorda turǵyndary, sonymen qatar sport jankúıerleri, short-trekten Qazaqstan komandasyn uzaq jyldar boıy jattyqtyrǵan Mádiǵalı Qarsybekov, Olımpıada oıyndarynyń kúmis júldegeri Vasılıı Levıt, Sportty damytý dırektsııasynyń ókilderi qatysty.
Sondaı-aq, Aqmola obylysy mádenıet basqarmasy Arshaly aýdandyq ansambli qarsy alý sharasynyń kórkin qyzdyrdy.
Eske salsaq,short-trekten Qazaqstan erler quramasy Mılanda ótken 2024/25 ISU World tour sońǵy, 6-kezeńinde jeńis tuǵyrynan kórindi. Denıs Nıkısha, Gleb Ivchenko, Mersaıd Jaqsybaev jáne Ádil Ǵalıahmetov komandalyq 5000 metr estafetada 6 mınýt 46.08 sekýnd nátıje kórsetip, qola medal enshiledi.
Aıta keterligi, dál osy quram aldyńǵy aptada Qytaıdyń Harbın qalasynda ótken qysqy Azııa oıyndarynda 5000 metr estafetada tarıhı altyn medal jeńip alǵan bolatyn.
Sonymen qatar, Harbınde short-trekten qazaqstandyq sportshylar Olga Tıhonova, ıAna Han, Malıka Ermek jáne Alına Ájǵalıeva 3000 metrge komandalyq estafeta básekesinde máre syzyǵyn ekinshi bolyp kesip, tarıhı kúmis júldeni qanjyǵaǵa baılady.
