Astanalyq jedel járdem feldsheri: keıde jalǵan shaqyrtýlar bolady
ASTANA. KAZINFORM – Talshyn ıÝsýp Túrkistan qalasynyń týmasy. Týǵan jerindegi medıtsınalyq kolledjdi bitirgen soń, eńbek jolyn Astanadan bastaǵan. Qazir Saryarqa aýdandyq jedel járdem qyzmetinde feldsher bolyp jumys isteıdi.
«Dáriger mamandyǵyn bala kezimnen unatamyn. Ájem jıi aýyratyn, jádel járdem kómek kórsetip, ájemniń alǵysyn alǵanda mende dáriger bolsam dep armandaıtynmyn. Salystyrmaly túrde túnde shaqyrý kóp túsedi. Sebebi naýqastardyń kóp jaǵdaıda dene qyzýy, qurysýy túngi ýaqytta bastalady. Kúndizgi kezekshilikpen salystyrǵanda túnde shaqyrtýǵa eki ese jıi shyǵamyz. Senbi, jeksenbi kúnderi jedel járdemdi shaqyrtý kóbeıedi, óıtkeni demalys kúnderi emhanalar jumys istemeıdi», — dedi Talshyn ıÝsýp.
Jedel járdem qyzmetkerleri 2 kún (1 kún kúndiz, 1 kún túnde) jumys istep, 2 kún demalady.
«Járdemniń shuǵyl jetýine taǵy bir kedergi — keptelis. Barlyq kóshede keptelis dep aıta almaımyn, degenmen úlken dańǵyldarda kólik keptelisi bar. 1-shi jáne 2-i sanattaǵy jedel shaqyrtýǵa barǵanda dabyl júıesi qosylady. Jedel járdem 4 sanatqa bólinedi. Birinshi, jedel járdemge asa muqtaj jaǵdaı, ol kezde 10 mınýtqa deıin jetýimiz kerek. 2-i sanattaǵy shaqyrtýǵa 15 mınýtqa deıin jetýi tıis. Úshinshi deńgeıge 30 mınýtta, al tórtinshi deńgeıdegi jedel kómekke 1 saǵat shamasynda barýǵa mindettimiz», — deıdi ol.
Onyń aıtýynsha, keıde jalǵan shaqyrtýlar da bolady. ıAǵnı jedel járdemdi shaqyrtady, dárigerler jetkende medıtsınalyq kómekten bas tartady.
«Ár adam ártúrli, sol sııaqty naýqastardyń jaǵdaıy da, ózin ustaýy da ártúrli. Basty talaptyń biri — naýqaspen janjaldaspaý. Eger patsıent shekten shyqsa, istiń mán-jaıyn aǵa dárigerge jetkizemiz. Bizdiń jumysta eń bastysy mamandyǵyn unatý, qyzyǵýshylyq bolmasa jumys ónbeıdi, ekinshi mańyzdy sát ol jyldamdyq, shuǵyl ári naqty sheshim qabyldaı bilý», — dedi feldsher.
