Astanalyq jasóspirimder short-trekten álem chempıonatynda tarıhı jetistikke jetti

ASTANA. KAZINFORM – Elorda sportshylary short-trekten jasóspirimder arasyndaǵy álem chempıonatynda tarıhı jetistikke qol jetkizdi. Bul týraly Astana ákimdiginiń resmı saıty habarlady.

Kanadadaǵy Kalgarı qalasynda jasóspirimder arasynda short-trekten álem chempıonaty óz máresine jetti. Bul dodada Qazaqstan quramasy erler arasyndaǵy 3 000 metrlik estafetada jáne aralas komandalyq 2 000 metrlik estafetada tarıhı qola júldeni ıelendi. 

Aıta keterligi, bul jetistikke Astana qalasynyń úsh sportshysy – Dinmuhamedáldııar Tájibaı, Nurlan Qaıyrbekov jáne Bogdan Vehov úlesin qosty.

Osylaısha, Astana qalasynyń sportshylary álemdik deńgeıdegi básekede eki birdeı qola medal jeńip alyp, el namysyn abyroımen qorǵady.

Buǵan deıin short-trekten álem chempıonatynda Qazaqstan quramasy bir kúmis, úsh qola medal alǵanyn jazǵan edik.