Astanalyq jankúıerlerdiń bıi Djeı Lonyń nazaryna ilikti
ASTANA. KAZINFORM – Qazaq jankúıerleriniń Djennıfer Lopestiń áıgili saýndtregine bılegen bıi juldyzdyń nazaryn aýdartpaı qoımady. Ánshiniń Instagram Stories jelisinde qazaqstandyqtardyń júregin áp-sátte jaýlap alǵan kútpegen vıdeosy jarq ete qaldy.
Bıyl jazda elordada kontsert beretin ánshi «Báıterek» monýmenti fonynda túsirilgen rolıkti óz paraqshasynda jarııalady.
Vıdeoda Astananyń bir top jasy Djeı Lonyń hıt ánderiniń birine bılep jatqanyn kórýge bolady. Bıshiler beınejazbaǵa «Djeı Lo, Astana seni kútedi!» — dep jazsa kerek. Bul áserli jazbany juldyzdyń ózi kórgeni sózsiz.
55 jasar ánshi repostty #JLoLiveIn2025 heshtegimen súıemeldep, Qaznette shynaıy emotsııalar týdyrdy. Qoldanýshylar birden Stories skrınshottarymen bólisip, Djennıfer Lopestiń Qazaqstandaǵy jankúıerlerine kóńil bólgenine qýanǵandaryn jasyra almady.
«Adam sengisiz. Djeı Lo bizdiń Báıterekti de, qyzdarymyzdy da kórdi!» — dep jazady qazaq jankúıerleri.
Eske sala keteıik, álemdik juldyz Up All Night týrnesi bastalǵanyn jarııalap, Qazaqstanda kontsert beretinin jazǵan bolatynbyz.
Artynsha «Astana Kontsert» kompanııasynyń prodıýseri Málik Hasenov amerıkalyq aktrısa jáne ánshi Djennıfer Lopestiń Astanada ótetin kontsertinen qansha ekonomıkalyq paıda túsetinin aıtqan edi.
Amerıkalyq aktrısa jáne ánshi Djennıfer Lopestiń Astanada ótetin kontsertinen bıletter satylymǵa shyǵatyny habarlandy.
Djennıfer Lopes kontsertine bılet emes, vaýcherler ǵana satylady. Naǵyz bılet kontsert kúni jaqyndaǵanda elektrondy poshtaǵa kelip túsetini aıtyldy.
Ánshiniń kontsertine qaıtalanyp satylǵan bıletterdiń quny óteletini habarlandy.