Astanalyq veloshabandoz Qyrǵyzstandaǵy ashyq chempıonatta jeńiske jetti
ASTANA. KAZINFORM — Qyrǵyzstannyń Cholpon-Ata qalasynda tasjoldaǵy velosporttan eldiń ashyq qysqy chempıonaty ótti. Bul týraly Astana qalasynyń ákimdigi málim etti.
96 shaqyrymdyq jarysqa Qyrǵyzstan, Qazaqstan jáne Ózbekstan elderiniń jas sportshylary qatysty.
Tartysty ótken básekede el namysyn qorǵaǵan Astana qalasynyń sportshysy Murat Kúıtenov tamasha nátıje kórsetip, márege birinshi bolyp jetti. Osylaısha elordalyq veloshabandoz jarystyń chempıony atanyp, altyn medal jeńip aldy. Al kúmis pen qola júldeni Ózbekstan eliniń sportshylary Chıngız Chýlıev ben Ergashev Fazlıddın ıelendi.
Aıta keteıik, bul jarys Qyrǵyzstan táýelsizdik alǵannan bergi tarıhyndaǵy tas joldaǵy ekinshi kásibı velojarys bolyp sanalady.
Eske sala ket eıik, Almatyda ótken velojarysqa 200-den astam velosıpedshi qatysqan edi.
