Astanalyq ustaz Abý-Dabıde chempıon atandy

ASTANA. KAZINFORM – Astana qalasynyń №106 jalpy orta mektebiniń dene shynyqtyrý pániniń muǵalimi Nursultan Bolat Abu Dhabi qalasynda ótken dzıýdodan halyqaralyq chempıonatta top jaryp, altyn medal jeńip aldy, dep jazdy elorda ákimdiginiń resmı saıty.

United Arab Emirates aýmaǵynda uıymdastyrylǵan baıraqty básekege elý memlekettiń sportshylary qatysyp, ózara myqtyny anyqtady. 66 keli salmaq dárejesinde tatamıge shyqqan Nursultan Baýyrjanuly joǵary daıyndyǵyn kórsetip, qarsylastarynan basym túsip, chempıon atandy. Halyqaralyq dodada Qazaqstan namysyn qorǵaǵan elordalyq pedagog kók Týymyzdy jelbiretip, el abyroıyn asqaqtatty.

Bul jeńis – tek sporttaǵy jetistik qana emes, ustaz mártebesiniń bıiktigin, pedagogterdiń jan-jaqty damyǵan tulǵa ekenin dáleldeıtin jarqyn mysal. Sport pen bilimdi qatar alyp júrgen ustazdyń jetistigi shákirtterine úlken motıvatsııa berip, salaýatty ómir saltyn nasıhattaýdyń naqty úlgisine aınaldy.

Aıta keteıik, Almatydaǵy №95 mektep-lıtseıdiń hımııa páni muǵalimi Tatıana Beloýsova Global Teacher Prize 2025-2026 halyqaralyq baıqaýynyń qorytyndysy boıynsha álemniń eń úzdik 50 pedagoginiń qataryna endi.