Astanalyq turǵyn uıaly telefondardy ish kıimine tyǵyp, tergeý ızolıatoryna kirgizbek bolǵan

ASTANA. KAZINFORM – Úsh uıaly telefondy zańsyz bermek bolǵan elorda turǵyny jazalandy. Bul týraly qalanyń Qylmystyq-atqarý júıesi departamentiniń baspasóz qyzmeti habarlaıdy. 

Jedel aqparatty anyqtaý barysynda elordalyq tergeý ızolıatorynyń qyzmetkerleri qamaýǵa alynǵan kúdiktige áıeliniń uıaly telefondar men oǵan qajetti aksessýarlardy berý faktisiniń aldyn aldy.

Anyqtalǵandaı, Astana qalasynyń turǵyny uıaly telefondardy ish kıimine tyǵyp alyp kirýge tyrysqan. Atalǵan fakti boıynsha qamaýda otyrǵan kúdiktiniń áıeli QR ÁQBtK-niń 481-babyna (qylmystyq-atqarý júıesi jáne arnaýly mekemelerde qamaýǵa otyrǵan adamdarǵa, tyıym salynǵan zattardy berý) sáıkes ákimshilik jaýapkershilikke tartyldy. 

«Bizdiń departament pen oǵan vedomstvolyq baǵynysty bólimshelerdiń jan-jaqty qabyldaǵan sharalarynyń nátıjesinde tyıym salynǵan zattardyń, onyń ishinde uıaly telefondardy tergeý mekemelerine kirgizbek bolǵan jaıttyń joly kesildi. Sottalǵandardyń paıdalanýǵa tyıym salynǵan zattardy mekeme aýmaǵyna kirgizbeý baǵytyndaǵy jumystar jalǵasady jáne erekshe baqylaýda bolady», - deıdi Astana qalasynyń Qylmystyq-atqarý júıesi departamentiniń bastyǵy Dáýlet Rahymbekov.