Astanalyq turǵyn lańkestik sıpattaǵy qylmysy úshin 26 jylǵa sottaldy
ASTANA. KAZINFORM – 2024 jyldyń maýsymynda Ulttyq qaýipsizdik komıtetiniń materıaldary boıynsha 3 qazaqstandyq azamat terrorıstik sıpattaǵy qylmystary úshin sottaldy.
3 jáne 7 maýsymda Shymkent qalasynyń qylmystyq ister jónindegi mamandandyrylǵan aýdanaralyq sotymen terrorızmdi nasıhattaý faktisi boıynsha eki jergilikti turǵynnyń árbiri 7 jylǵa bas bostandyǵynan aıyryldy.
Olardyń messendjerler men áleýmettik jeliler arqyly radıkaldy dinı materıaldardy taratqany anyqtaldy.
11 maýsymda Astana qalasynyń qylmystyq ister jónindegi aýdanaralyq sotymen osyǵan uqsas qylmysy úshin túzetý mekemesindegi elorda turǵyny 6 jylǵa qosymsha bas bostandyǵynan aıyryldy.
Aıta ketý kerek, a.j. aqpanynda ol bılikti basyp alýǵa, terrorıstik topty qurýǵa jáne basqarýǵa, terrorıstik áreketti uıymdastyrý maqsatynda jaldaýǵa, terrorızmdi nasıhattaýǵa jáne qarjylandyrýǵa kópshilik aldynda shaqyrǵany úshin 20 jylǵa sottalǵan bolatyn.
Tergeý ızolıatorynda bolǵan kezde, ol zańsyz áreketterdi toqtatpady jáne kameralastaryna terrorızm ıdeologııasyn taratýǵa áreket jasaǵan.
