Astanalyq taekvondoshy Toǵjan Qazynabek Bolgarııa tórinde top jardy

ASTANA. KAZINFORM — Bolgarııa astanasy Sofııa qalasynda taekvondodan (WT) Bulgaria Open-2026 halyqaralyq týrnıri aıaqtaldy. Aıtýly dodada el namysyn qorǵaǵan elordalyq Toǵjan Qazynabek qarsylas shaq keltirgen joq, dep habarlaıdy Astana ákimdiginiń resmı saıty.

Jańa maýsymdaǵy alǵashqy halyqaralyq jarysyn dál osy bedeldi dodadan bastaǵan Qazaqstan quramasy joǵary deńgeıde óner kórsetti. G-2 sanatyndaǵy týrnırge eresekter arasynda 56 elden 645 sportshy qatysyp, álemdik reıtıngtik upaılar sarapqa salyndy.

Astana qalasynyń sportshysy Toǵjan Qazynabek 57 kg salmaq dárejesinde chempıon atanyp, altyn medal jeńip aldy. Ol týrnır barysynda 6 jekpe-jek ótkizip, barlyǵynda aıqyn basymdyqpen jeńiske jetti.

Osylaısha, Qazaqstan quramasy jalpykomandalyq esepte ekinshi orynǵa turaqtady. Reseı quramasy birinshi oryndy ıelense, Iordanııa quramasy úzdik úshtikti túıindedi.

Budan buryn Qazaqstan taekvondodan BAÁ-de ótip jatqan týrnırde 3 medal alǵany belgili boldy.