Astanalyq stýdentter «Men kásipkermin» respýblıkalyq baıqaýynda úzdik atandy
ASTANA. KAZINFORM — «Jumysshy mamandyqtar» jyly aıasynda on baǵyt boıynsha uıymdastyrylǵan «Men kásipkermin» respýblıkalyq týrnıri óz máresine jetti. Bul týraly dep elorda ákimdigi málim etti.
Baıqaýǵa Qazaqstannyń barlyq óńirinen kelgen kolledj stýdentteri qatysyp, tyń bıznes-ıdeıalaryn usynyp, kásibı sheberlikterin kórsetip baq synady.
«Men – kásipker» týrnıri jastardyń kásipkerlik oılaý qabiletin damytýǵa, óz ıdeıalaryn qorǵaýǵa, salalyq sarapshylarmen baılanys ornatýǵa jáne tájirıbe almasýǵa arnalǵan mańyzdy platformaǵa aınaldy. Qatysýshylardyń kóbisi úshin bul baıqaý naqty kásipkerlikke jasalǵan alǵashqy senimdi qadam boldy.
Baıqaý qorytyndysy boıynsha Astana qalasynyń kolledj stýdentteri júldeli oryndarǵa ıe bolyp, ózderiniń kásibı deńgeıi men kóshbasshylyq qasıetterin joǵary deńgeıde dáleldedi.
Jeńimpazdar tizimi:
І-oryn – «Óndiris, tehnologııalar, aýyl sharýashylyǵy» baǵyty boıynsha «Astana IT University» kolledjiniń stýdenti Jasulan Serikbek; jetekshisi – Araı Taldaýbek;
ІІ-oryn – «Bilim, aqparat jáne tsıfrlyq tehnologııalar» baǵyty boıynsha «Astana IT University» kolledjiniń stýdentteri Ánel Samarhan, Aǵybaı Ǵıbatollaev; jetekshisi – Qanat Begarys;
ІІІ-oryn – «Saýda» baǵyty boıynsha ASTANA POLYTECHNIC joǵary kolledjiniń stýdenti Kalıev Alan; jetekshisi – Sembına Maıra Tursynhanqyzy;
ІІІ-oryn – «Qonaq úı isi jáne tamaqtanýdy uıymdastyrý» baǵyty boıynsha Qoǵamdyq tamaqtandyrý jáne servıs kolledjiniń stýdenti Dınara Jamanbaeva; jetekshisi – Juldyz Razbekova;
ІІІ-oryn – «Týrızm» baǵyty boıynsha Maǵjan Jumabaev atyndaǵy Halyqaralyq Joǵary kolledjiniń stýdentteri – Nurásem Saılaý, Erasyl Amantaı, Aıaýlym Muhtar; jetekshisi – Anar Bákirbekova.
Baıqaýǵa usynylǵan jumystar ózderiniń praktıkalyq mańyzdylyǵymen, ınnovatsııalyq sheshimderimen jáne naryqta iske asyrýǵa laıyq naqty áleýetimen erekshelendi.
Elorda stýdentteriniń bul jetistigi jastardyń kásipkerlikke degen qyzyǵýshylyǵynyń, jaýapkershiligi men shyǵarmashylyq qabiletiniń artqanyn kórsetedi.
Buǵan deıin elordada jumysshy mamandyqtar baıqaýynda «Astana Tazalyq» kósh bastaǵanyn jazǵan edik.