Astanalyq sportshylar konkýrdan halyqaralyq jarysta 33 medal jeńip aldy
ASTANA. KAZINFORM – Elordalyq sportshylar Reseıdegi konkýr jarysynan 33 medal jeńip alyp, úzdikter qatarynan kórindi, dep habarlaıdy elorda ákimdiginiń resmı saıty.
Chelıabınsk qalasynda «Rıfeı» olımpıadalyq rezerviniń sport mektebiniń bazasynda bedeldi at jarysy ótti. Onda elordalyq sportshylar daıyndyǵynyń joǵary deńgeıde ekenin kórsetti.
Bul sporttyq básekege Astananyń atynan «Arǵymaq» at-sport kesheniniń shabandozdary qatysty. Týrnır qorytyndysy boıynsha elordalyq sportshylar 12 altyn, 10 kúmis jáne 11 qola júldege ıe boldy.
Jarys úsh jas sanatynda ótti: balalar, jasóspirimder jáne eresekter.
«Balalar» nomınatsııasy boıynsha astanalyq jas qatysýshylar úshin bul alǵashqy halyqaralyq jarys boldy. Olar Qazaqstannyń namysyn abyroımen qorǵady.
Eske sala keteıik, buǵan deıin astanalyq sportshylardyń gımnastıkadan álem kýbogynda qola júldege qol jetkizgenin habarlaǵan edik.