Astanalyq sot oryndaýshylar 26 mln teńge jymqyrǵan

ASTANA. KAZINFORM — Astana qalasynyń prokýratýrasy eki jeke sot oryndaýshysynyń ákimshilik aıyppuldy óteýge arnalǵan qarajatty jymqyrý faktilerin anyqtady.

— Olar eki jyl boıy sot aktilerin oryndap, memleket qazynasyn tolyqtyrýdyń ornyna, óz ókilettikterin asyra paıdalanyp, qarajatty ıemdenip, jeke maqsattaryna, sonyń ishinde qumar oıyndarǵa qatysýǵa jumsaǵan. Sol sııaqty jeke jáne zańdy tulǵalardyń qarajaty da jymqyrylǵan. Jalpy shyǵyn 26 mln teńgeden asty, — delingen prokýratýra habarlamasynda.

Sot oryndaýshylaryna qatysty sotqa deıingi tergeý amaldary bastalyp, keıin olar keltirilgen shyǵyndy tolyǵymen ótedi.

Tergeý nátıjeleri boıynsha ýákiletti organ olardy lıtsenzııalarynan aıyrý jóninde sharalar qabyldaıdy.

Óz kezeginde, osyǵan uqsas qylmystyq quqyq buzýshylyqtardyń aldyn alý úshin ýákiletti organǵa qaryz somasyn tikeleı óndirip alýshylarǵa aýdarý jáne atqarýshylyq sanktsııany esepteý úshin jasandy ıntellektti paıdalaný usynyldy.

Aıta ketelik Túrkistan oblysynda 3,7 mlrd teńgeni jymqyrǵan bilim salasynyń qyzmetkerleri sottaldy.