Astanalyq shabandozdar konkýrdan Qazaqstan chempıonatynda birneshe júlde jeńip aldy
ASTANA. KAZINFORM — Astanada ótken konkýrdan Qazaqstan chempıonatynda elordalyq Prestige Horse Club sportshylary joǵary nátıje kórsetip, birneshe júldeli orynǵa ıe boldy.
Chempıonat qorytyndysy boıynsha astanalyq klýb ókilderi negizgi marshrýttarda úzdikter qatarynan kórindi.
130 sm bıiktiktegi marshrýtta (A toby) Oleg Sokolenko 11 qatysýshynyń arasynan ozyp shyǵyp, birinshi oryndy ıelendi.
120 sm bıiktiktegi marshrýtta (V toby) elordalyq sportshylar júldeli tuǵyrdy tolyqtaı ıelendi. Raısa Sokolenko 22 qatysýshynyń ishinen úzdik nátıje kórsetip, altyn medal jeńip aldy. Al Oleg Sokolenko ekinshi jáne úshinshi oryndardy ıelenip, klýbtyń aıqyn basymdyǵyn kórsetti.
Sonymen qatar 130 sm bıiktiktegi marshrýtta (V toby) Oleg Sokolenko 18 qatysýshy arasynda taǵy da úzdik nátıje kórsetip, jeńimpaz atandy.
Jalpy chempıonat qorytyndysynda astanalyq sportshylar ózge de baǵyttarda tabysty óner kórsetip, daıyndyq deńgeıiniń joǵary ekenin jáne ulttyq deńgeıde turaqty nátıje kórsetip kele jatqanyn dáleldedi.
Aıta keteıik, jarysqa elimizdiń úzdik shabandozdary qatysty.
