Astanalyq shabandoz «Týr Sıbıý» jeke jarysynda jeńiske jetti
ASTANA. KAZINFORM – «Astana Qazaqstan Development Team» komandasynyń shabandozy Maks Ýolker Rýmynııadaǵy «Týr Sıbıýdyń» ekinshi kúninde jeke jarysta jeńiske jetti. Bul týraly Sports.kz jazdy.
Sıbıýde rýmynııalyq kópkúndik jarys keshe bastaldy. Búgin eki jartylaı kezeń boıynsha velosportshylar synǵa tústi: tańerteńgi 103 shaqyrymdyq toptyq jarys jáne keshki 3,3 shaqyrymdyq qysqa jarys.
Maks Ýolker Rýmynııadaǵy ekinshi kezeńde jeńiske jetkenen keıin jarys týraly pikir bildirdi.
«Shynymdy aıtsam, jartylaı kezeń qıyn boldy. Ásirese sońynda bar kúshimdi saldym. Men jeńis úshin kúreskim keldi, biraq bastapqy kezeńde jaqsy nátıje kórsete almadym. Sondyqtan men kezeńniń ekinshi jartysyna barynsha daıyndalyp, júldege qol sozýǵa tyrystym. Keshke men ózimdi jaqsy sezindim jáne jarysqa daıyn boldym. Qashyqtyq qysqa, biraq tehnıkalyq jaǵynan kúrdeli boldy. Qýanyshqa oraı, biz jeńiske jettik. Men búgingi kúndi sátti aıaqtaǵanyma qýanyshtymyn», - dedi Maks Ýolker.
