Astanalyq segiz jastaǵy gımnast Qytaıdaǵy týrnırde úsh medal jeńip aldy
ASTANA. KAZINFORM — Astanalyq jas sportshy Medına Esenbek kórkem gımnastıkadan Qytaıda ótken halyqaralyq Zhong Ling Cup týrnırinde birden úsh júldege ıe boldy. Jarys Gýandýn provıntsııasynyń Hýeıchjoý qalasynda ótti.
Týrnırge Qazaqstan, Qytaı, Ózbekstan, Fılıppın, Malaızııa jáne basqa da elderdiń gımnastshylary qatysty.
Qazaqstan namysyn jarysta toǵyz sportshy qorǵady. Olardyń tórteýi — astanalyq gımnast.
«Álem Akademııasynyń» tárbıelenýshisi, 8 jastaǵy Medına Esenbek jarysta úsh medal jeńip aldy. Ol shyǵyrshyqpen jattyǵýda altyn, al quralsyz jattyǵý men kópsaıysta eki kúmis medal ıelendi.
— Medınanyń óner kórsetýi ulttyq mádenıetimizdiń ásem kórinisine de aınaldy. Jas gımnast kilemge qazaqy oıý-órnekpen kómkerilgen kostıým kıip shyǵyp, kompozıtsııasyn qazaq mýzykasynyń súıemeldeýimen oryndady. Medına úshin bul týrnır tek sporttyq jetistikpen shektelmeı, Qazaqstandy halyqaralyq arenada laıyqty tanytýǵa berilgen úlken múmkindik boldy, — dep habarlady Astana ákimdiginiń baspasóz qyzmeti.
Eske salaıyq, buǵan deıin qazaqstandyq «klassıkter» U20 álem chempıonatyn bir altyn medalmen aıaqtaǵanyn habarlaǵanbyz.
