Astanalyq polıtseı álem kýboginiń júldegeri atandy
ASTANA. KAZINFORM — Astana qalasy polıtsııa departamentiniń qyzmetkeri álemniń 40 elinen 410 sportshy qatysqan halyqaralyq týrnırdiń júldegerleri qataryna endi, dep habarlaıdy QR ІІM baspasóz qyzmeti.
16–18 qazan aralyǵynda Túrkııanyń Býrsa qalasynda erler men áıelder arasynda qoıan-qoltyq urystan álem kýbogynyń fınaldyq kezeńi ótti. Bedeldi halyqaralyq týrnırde Qazaqstan atynan ulttyq qurama sapyna sportshylar óner kórsetti.
95 keliden joǵary salmaq dárejesinde qola medaldi Astana qalasy polıtsııa departamenti bastyǵynyń dene shynyqtyrý jáne sport jónindegi kómekshisi Murat Esmaǵambetov jeńip aldy. Ol jarysqa Іshki ister mınıstrliginiń «ARLAN» sport klýbynyń atynan qatysty.
Murat Esmaǵambetov Qazaqstan quramasy sapyndaǵy Іshki ister mınıstrliginiń jalǵyz ókili boldy.
Álem kýbogynyń fınalyndaǵy qola medal — tabandy daıyndyqtyń, qaısar minezdiń jáne joǵary sporttyq sheberliktiń nátıjesi. Elorda polıtsııasy qyzmetkeriniń jetistigi qyzmet pen dene daıyndyǵynyń, sondaı-aq sportta bıik belesterdi baǵyndyrýǵa degen umtylystyń ózara úılesetinin kórsetedi.
Buǵan deıin Ibragım Nurmahanuly Azııa oıyndarynda altyn medal jeńip alǵanyn jazǵanbyz.
