Astanalyq parajeńil atlet Azııa rekordyn ornatty
ASTANA. KAZINFORM — Japonııada ótip jatqan V Azııa Para oıyndarynda el namysyn qorǵaǵan elordalyq sportshy Aısulý Súleımenova 100 metrge júgirýden Azııanyń jańa rekordyn ornatty, dep habarlaıdy elorda ákimdiginiń resmı saıty.
Aısulý eki aıaǵynyń zaqymdanýyna baılanysty arnaıy júgirý protezderin paıdalanatyn sportshylarǵa arnalǵan T62 sanatynda óner kórsetedi. Alaıda óz sanatynda basqa qatysýshylar bolmaǵandyqtan, ol bir aıaqtyń zaqymdanýyna baılanysty protez paıdalanatyn sportshylar baq synaıtyn T64 sanatynyń ókilderimen birge jarysty.
Fınaldyq básekede elordalyq sportshy 100 metr qashyqtyqty 16,18 sekýndta eńserip, jalpy esepte besinshi orynǵa ıe boldy. Sonymen qatar, bul nátıje onyń T62 sanatynda Azııanyń jańa rekordy retinde tirkeldi.
Osylaısha, Aısulý Súleımenova birikken jarysta besinshi oryn alǵanymen, óz sanatynda qurlyqtyq rekord ornatyp, mańyzdy jetistikke qol jetkizdi.
Osyǵan deıin otandyq para veloshabandozdar Azııa oıyndarynda eki altyn jeńip alǵanyn jazǵanbyz.
Sonymen qatar Qazaqstan Azııa Para oıyndarynda sadaq atýdan alǵash ret kúmis medal enshiledi.
Budan bólek, Zarına Raıfova Azııa Para oıyndarynyń jeńimpazy atandy.
