Astanalyq oqýshylar ıÝpıterden energııa alý ıdeıasymen álemdik baıqaýda top jardy
ASTANA. KAZINFORM – Nazarbaev Zııatkerlik mektepteri júıesine qarasty Almaty qalasy Medeý aýdanyndaǵy mektep oqýshylary National Space Society uıymdastyrǵan Space Settlement Contest 2026 halyqaralyq baıqaýynda joǵary nátıje kórsetti.
Álemniń 31 elinen 23 myńnan astam oqýshy qatysqan bedeldi ǵylymı-ınjenerlik dodada qazaqstandyq oqýshylar «Icarus: Baiterek» jobasymen 1-oryn, al «Promethius» jobasymen 3-oryndy ıelendi.
Baıqaý qorytyndysy boıynsha eki komanda da óz jobalaryn International Space Development Conference 2026 halyqaralyq konferentsııasynda tanystyrýǵa shaqyrtý aldy. Atalǵan shara 2026 jyldyń maýsym aıynda Vırdjınııa shtatynda ótedi.
Aıta keteıik, Almaty-Medeý baǵytyndaǵy NIS komandasy ótken jyly da osy baıqaýda birinshi jáne ekinshi oryndardy ıelengen bolatyn.
«Icarus: Baiterek» jobasy ıÝpıter júıesindegi Kallısto orbıtasynda ornalasatyn ózin-ózi qamtamasyz etetin ǵarysh stantsııasynyń ǵylymı tujyrymdamasyna negizdelgen. Joba ǵaryshta turaqty ómir súrý múmkindigin zertteýmen qatar, Jerdegi ózekti máselelerdi sheshýge baǵyttalǵan. Atap aıtqanda, ıÝpıterdiń joǵarǵy qabattarynan alynatyn balamaly energııa kózderin Jer jaǵdaıyna beıimdeý arqyly qazba otynǵa táýeldilikti azaıtý usynylady. Sonymen qatar stantsııada jasandy gravıtatsııa jasaý, sýdy 90%-ǵa deıin tazartý jáne hlorella negizinde ottegi óndirý qarastyrylǵan.
«Promethius» jobasy da Kallısto orbıtasyndaǵy ǵarysh stantsııasyna arnalǵan. Onyń tórt saqınadan turatyn qurylymy aınalý arqyly jasandy gravıtatsııa qalyptastyrýǵa múmkindik beredi. Joba aıasynda ǵaryshtaǵy gravıtatsııa deńgeıleri, jylýdy saqtaý jáne radıatsııadan qorǵaný máseleleri zerttelgen.
Sondaı-aq komanda «Paragon Station» jobasymen de baıqaýǵa qatysyp, arnaıy marapatqa ıe boldy. Bul joba Satýrn júıesindegi orbıtalyq stantsııa tujyrymdamasyn sıpattap, ony turǵyn, óndiristik jáne ǵylymı hab retinde usynady.
Jalpy, Space Settlement Contest – mektep oqýshylary men stýdentterge arnalǵan halyqaralyq ǵylymı-ınjenerlik baıqaý. Qatysýshylar ǵaryshta ómir súrýge arnalǵan stantsııalar men kolonııalardyń keshendi jobalaryn ázirlep, tirshilikti qamtamasyz etý, energııa, qaýipsizdik jáne basqarý júıelerin qamtıtyn sheshimder usynady.
Aıta keteıik, qazaqstandyq oqýshynyń TabAI startap jobasy Google grantyn ıelendi.
