Astanalyq oqýshylar ınklıýzııany damytýǵa arnalǵan jańa robot qurastyryp jatyr

ASTANA.KAZINFORM –  Astanada «keleshek mektebiniń» oqýshylary ınklıýzııany damytýǵa arnalǵan jańa robot qurastyryp jatyr. Bul týraly elorda ákimdigi habarlady. 

Astana qalasyndaǵy №115 jalpy orta bilim beretin «keleshek mekteptiń» oqýshylary ınklıýzıvti bilim berýdi qoldaýǵa baǵyttalǵan tyń jobany júzege asyryp jatyr. Olar mektep ishinde erekshe bilim berý qajettilikteri bar balalardy qaýipsiz ári derbes alyp júrýge arnalǵan jeke ınklıýzıvti robot qurastyryp jatyr. Oqýshylar bul robotqa «Dana» degen ataý berdi.

«Dana» robot-kómekshisi kórý qabileti tómen, tirek-qımyl apparaty buzylǵan nemese keńistikte baǵdarlanýy qıyn oqýshylardyń mektep ǵımaraty ishinde derbes, qaýipsiz jáne senimdi qozǵalýyna múmkindik beredi. Mundaı sanattaǵy balalar úshin kabınetter arasynda qozǵalý barysynda mazasyzdyq deńgeıi joǵarylap, syrtqy kómektiń qajettiligi jıi týyndaıdy. Joba osy máseleni zamanaýı tehnologııalar arqyly sheshýdi kózdeıdi.

Qazirgi tańda jańa robottyń bas modýli men negizgi korpýsy tolyqtaı qurastyrylǵan. Aldaǵy ýaqytta qurylǵynyń barlyq bólshekteri jınaqtalyp, tehnıkalyq baptaý jumystary aıaqtalǵan soń, «Dana» robot-kómekshisi mektep ishinde óz qyzmetin atqarýǵa kirisedi.

Bul joba oqýshylardyń ınjenerlik oılaý qabiletin damytýǵa ǵana emes, sonymen qatar ınklıýzıvti qoǵam qalyptastyrýǵa baǵyttalǵan mańyzdy qadam bolyp otyr.

Aıta ketelik Mańǵystaýlyq pedagog oqýshyǵa bolashaq mamandyǵyn tańdaýǵa kómektesetin bot ázirledi.