Astanalyq oqýshylar 7 myńǵa jýyq plastık qaqpaqtan ekologııalyq mozaıka jasady

ASTANA. KAZINFORM — Astanada «Taza Qazaqstan» ekologııalyq bastamasy aıasynda № 81 Astana English School mektebinde oqýshy Bolat Aıǵanymnyń bastamasymen «Eco Impact» ekologııalyq jobasy júzege asyryldy, dep habarlaıdy elorda ákimdiginiń resmı saıty.

Mozaıký ız semı tysıach plastıkovyh kryshek sozdalı shkolnıkı Astany
Foto: Astana ákimdigi

Bastamanyń maqsaty — oqýshylar arasynda ekologııalyq mádenıetti qalyptastyrý, qorshaǵan ortaǵa jaýapkershilikpen qaraýǵa úıretý jáne qaldyqtardy qaıta óńdeýdiń mańyzyn nasıhattaý

— Joba aıasynda plastıkalyq qaqpaqtardy jınaý aktsııasy uıymdastyryldy. Oǵan mekteptiń 0-synybynan 11-synybyna deıingi oqýshylary men ata-analary belsendi qatysty. Nátıjesinde jeti myńǵa jýyq plastıkalyq qaqpaq jınaldy. Jınalǵan qaqpaqtardan mektepte úlken ekologııalyq mozaıka jasaldy. Osylaısha, oqýshylar plastık qaldyqtaryna ekinshi ómir syılap, olardy shyǵarmashylyq týyndyǵa aınaldyrdy, — deıdi uıymdastyrýshylar.

Jobanyń ereksheligi — ártúrli synyp býyndarynyń oqýshylaryn ortaq maqsatqa biriktirýi. Eriktiler birlese jumys istep, pikir almasý, bir-birin tyńdaý, komandalyq jumys jáne kóshbasshylyq daǵdylaryn damytty. Bastamaǵa mektep ata-analary da qoldaý kórsetti.

Sonymen qatar joba aıasynda «Adal azamat» birtutas tárbıe baǵdarlamasynyń jaýapkershilik, eńbekqorlyq, jańashyldyq jáne ádilettilik qundylyqtary dáripteldi.

Joba jetekshisi Bolat Aıǵanym bastamanyń ıdeıasyn ázirlep, aktsııany uıymdastyrýǵa, eriktiler jumysyn úılestirýge jáne ekologııalyq mozaıkany jasaý úderisine jetekshilik etti.

«Eco Impact» jobasy árbir adamnyń shaǵyn áreketi qorshaǵan ortany qorǵaýǵa baǵyttalǵan úlken ózgeriske bastaý bola alatynyn kórsetedi.

Buǵan deıin Óskemende plastıkti qaıta óńdeıtin mobıldi stantsııa iske qosylatynyn jazdyq.