Elordada oqýshylar 400-ge jýyq qaqpaqtan Qazaqstan kartasyn jasady

ASTANA. KAZINFORM — Elordada № 55 mektep oqýshylary «Taza Qazaqstan. Astana — tazalyq pen tártiptiń úlgisi» atty keń aýqymdy ekologııalyq aktsııa aıasynda plastık qaqpaqtardy qaıta óńdep, erekshe ekologııalyq jobany júzege asyrdy, dep habarlaıdy qala ákimdigi.

Olar kúndelikti turmysta qajetsiz bolyp kórinetin zattarǵa ekinshi ómir syılap, bótelke qaqpaqtarynan Qazaqstannyń kólemdi kartasyn qurastyrdy.

Jobanyń negizgi maqsaty — qorshaǵan ortaǵa degen súıispenshilikti arttyryp, qoqysty qaıta qoldanýǵa úıretý.

Bul ıgi bastamany mekteptiń «Ekoálem» baǵyty boıynsha jaýapty muǵalim Danar Tólegenova uıymdastyrdy. 5-11 synyptar arasynda ótkizilgen qaqpaq jınaý saıysy arqyly oqýshylar arasynda ekologııalyq mádenıet pen belsendilik qalyptasty.

— «Ekoálem» aktsııasy boıynsha 832 qaqpaq jınalǵan. Al kólemdi karta jasaý úshin 397 túrli-tústi qaqpaq jetkilikti boldy. Qalǵan qaqpaqtar aldaǵy ekologııalyq jobalarǵa saqtalady. Kartany qurastyrý jumysyna 5-6 synyptyń «Ekoálem» kóshbasshylary men belsendi ata-analar da at salysty. Birlese jumys isteý balalardyń yntasyn arttyryp, qorshaǵan ortaǵa qamqor bolýǵa úıretti, — delingen ákimdik habarlamasynda.

Vedomstvo atap ótkendeı, bul joba — mektep oqýshylarynyń ekologııalyq sana-seziminiń artyp kele jatqanyn kórsetetin aıqyn dálel. Bótelke qaqpaǵynan jasalǵan Qazaqstan kartasy oqýshylardyń tek qana shyǵarmashylyq qabiletin emes, sonymen qatar elge, jerge degen súıispenshiligin de baıqatady.

Osydan buryn almatylyq oqýshylar 1 mıllıonnan astam plastıkalyq qaqpaq jınaǵanyn jazǵanbyz.