Astanalyq oqýshy tushpara jasap, óz kásibin damytyp júr
ASTANA. KAZINFORM – Astana qalasyndaǵy Qanysh Sátbaev atyndaǵy №61 mektep-lıtseıiniń 7-synyp oqýshysy Beısen Táńirbergen úıinde tushpara jasap, tabys taýyp otyr, dep jazdy elorda ákimdiginiń resmı saıty.
Jas kásipker 6 jasynan bastap qamyr jaıyp úırengen. Alǵashynda anasyna kómektesýden bastaǵan Beısen búginde ápkesi Darıǵamen birge tushpara túıip, bul isti shaǵyn kásipke aınaldyrǵan. Olar kúnine 8-12 kelige deıin tushpara daıyndaıdy.
– Balalarymnyń kún tártibi naqty josparlanǵan. Olar sabaqtan keıin qosymsha úıirmelerge qatysady. Odan soń tapsyrys kólemine qaraı kúnine 1-2 saǵat tushpara túıedi. Kóbine dúkenderden arnaıy tapsyrystar túsedi. Men balalarǵa ónimdi satý jáne ótkizý jaǵyna kómektesemin, – deıdi Beısenniń anasy Rysjan hanym.
Oqýshy úshin bul kásip – tek tabys kózi emes, eńbekke, jaýapkershilikke jáne ýaqytty tıimdi josparlaýǵa úıretetin tájirıbe. Beısenniń aıtýynsha, bolashaqta kásibin odan ári damytyp, jańa ónim túrlerin shyǵarǵysy keledi.
Buǵan deıin Qazaqstannyń jeńil ónerkásibinde 18 myńnan astam adam eńbek etetinin jazǵan edik.
