Astanalyq mergender Azııa chempıonatynda birneshe medal jeńip aldy
ASTANA. KAZINFORM – Túrkistan qalasyndaǵy «Atshabar» kópfýnktsıonaldy sport kesheninde dástúrli sadaq atýdan Azııa chempıonaty óz máresine jetti, dep habarlaıdy elorda ákimdiginiń resmı saıty.
Halyqaralyq deńgeıdegi jarysqa Qazaqstan ulttyq quramasymen qatar Mońǵolııa, Qytaı, Qyrǵyzstan, Úndistan, Soltústik Kıpr, Túrkııa, Ózbekstan, Reseı jáne Taıland elderinen kelgen sportshylar qatysty. Jalpy sany 10 memleketten 110-ǵa jýyq mergen baq synady.
Chempıonatqa 18 jastan joǵary erler men áıelder qatysty.
Jarys úsh baǵyt boıynsha ótti:
• Pýta nysanasy (9 oq, 7 múmkindik)
• Orta Azııa nysanasy (7 oq, 9 múmkindik)
• Jamby nysanasy (5 oq, 5 múmkindik)
Barlyq qatysýshy atalǵan úsh nysana boıynsha synǵa tústi. Jarys qorytyndysy boıynsha Astana qalasynyń mergenderi júldeli oryndarǵa ıe boldy.
Orta Azııa nysanasy boıynsha:
• Sabyrjan Farıza – 1 oryn.
Jamby nysanasy boıynsha:
• Batıhan Aıkórkem – 2 oryn.
Pýta nysanasy boıynsha:
• Farıza Sabyrjan – 2 oryn;
• Aıkórkem Batıhan – 3 oryn;
• Qasymhan Qanat – 3 oryn.
Buǵan deıin kórkem gımnastıkadan «Aphrodite Cup» týrnırinde elordalyq sportshylar top jarǵanyn jazǵanbyz.
