Astanalyq mergen Dúnıejúzilik kóshpendiler oıyndarynda kúmis aldy
ASTANA. KAZINFORM — Qyrǵyzstanda ótip jatqan VI Dúnıejúzilik kóshpendiler oıyndarynda dástúrli sadaq atýdan «Orta Azııa» nysanasy boıynsha Astana qalasynyń sportshysy Aıkórkem Batıhan kúmis júldege ıe boldy. bul týraly elorda ákimdigi málim etti.
«Orta Azııa» nysanasy boıynsha 40 metr qashyqtyqta ótken áıelder arasyndaǵy básekege álemniń 51 memleketinen 80-nen astam mergen qatysty. Aıkórkem Batıhan myqtylar arasynan sýyrylyp shyǵyp, fınaldyq kezeńge joldama aldy.
Fınalda elordalyq sportshy sheberligin taǵy bir márte dáleldep, II oryn ıelenip, Qazaqstan quramasynyń qorjynyna kúmis júlde saldy.
Dástúrli sadaq atýdan elordanyń taǵy bir ókili jarysta baq synaıdy.
Búgin, 4 qyrkúıekte, Astana qalasynyń birqatar sportshysy VI Dúnıejúzilik kóshpendiler oıyndaryndaǵy jarystaryn jalǵastyrady.
Tazy jarysynda Astana qalasynyń atynan Almas Oralbek «Saǵym» atty tazysymen óner kórsetip, búgin jarysyn jalǵastyrady.
11 shaqyrymdyq jorǵa jarysynda elorda atynan Álııa Toqtasynova, Naılıa Sovethan jáne Anatolıı Shabaev synǵa túsedi. Veronıka Rýmıantseva qosalqy qatysýshy retinde tirkelgen.
Mangala saıysynda Astana qalasynyń atynan Gúlnár Bazaralıeva, Qundyz Esirkep jáne Bıǵalı Zikrııaev óner kórsetip jatyr. Elordalyq sportshylar jarysty jalǵastyryp jatyr. Mangala boıynsha qorytyndy nátıjeler 6 qyrkúıekte belgili bolady.
Aıta keteıik, VI Dúnıejúzilik kóshpendiler oıyndary 6 qyrkúıekke deıin jalǵasady.
Aıtak keteıik, Qazaqstan quramasy oıyndardyń úshinshi kúninde 12 altyn, 7 kúmis, 5 qola medal jeńip aldy.
