Astanalyq mektep kúrdeli jóndeýge jabyldy: oqýshylar qaıda oqıdy

ASTANA. KAZINFORM — Astana qalasyndaǵy № 1 mektep-lıtseıinde bekitilgen josparǵa sáıkes kúrdeli jóndeý jumystary bastaldy. 

Mektepti oqý jyly taıaǵanda nege jóndeýge japty? Bunyń mán-jaıyn qalalyq Bilim basqarmasynan suraǵan edik.

Bizge bergen aqparatqa sáıkes, oqýshylar men pedagogıkalyq ujym ýaqytsha kórshi mektepke aýystyryldy:

— 1–4 synyptar — birinshi aýysymda oqıdy;

— 5–6 synyptar — ekinshi aýysymda oqıdy;

— 7–11 synyptar — qashyqtan bilim alady.

— Ata-analarmen osy oqý formatyna kóshý týraly sheshim jalpy jınalysta aldyn ala kelisilgen. Oqý jylynyń aıaqtalýy men attestattardy saltanatty tabystaý rásimi Oqýshylar saraıynda ótedi, — delingen agenttik joldaǵan saýal jaýabynda.

Sondaı-aq Bilim basqarmasy buǵan deıin taraǵan mektep dırektorynyń bastamasymen pedagogtardy jappaı jumystan bosatyp jatyr degen aqparattyń jalǵan ekenin eskertti.

— Mektepke ótken jyly kúrdeli jóndeý júrgizilmegen, oqý jylynyń aldynda ishinara aǵymdyq jóndeý jumystary júrgizildi, - dep habarlaıdy basqarmadan.

Eske sala ketsek, Májilis depýtaty Temir Qyryqbaev elimizde bilim berý sapasyn arttyrýǵa baǵyttalǵan aýqymdy reformalar júzege asyrylǵanymen, mektep júıesinde birqatar sheshimin tappaǵan máseleniń baryn aıtty. Sonyń ishinde muǵalimderdiń jumysqa syıaqy berip turý da bar.