Astanalyq kosmetolog lıtsenzııasyz jumys istep, densaýlyqqa zııan keltirgeni úshin sottaldy
ASTANA. KAZINFORM – Cottyń úkimimen elorda turǵyny medıtsınalyq qyzmetpen lıtsenzııasyz aınalysyp, densaýlyqqa zııan keltirgeni úshin sottaldy. Bul týraly Astana qalasy prokýratýrasy baspasóz qyzmeti málim etti.
Ol tıisti lıtsenzııa men sertıfıkatsyz, saqtaý merzimi ótken fıllerdi qoldanyp, kosmetıkalyq protsedýralar júrgizgen. Nátıjesinde jábirlenýshiniń denesinde qabyný protsesi bolyp, medıtsınalyq kómekke júgingen.
«Kinálige 1 jyl 6 aı bas bostandyǵynan shekteý jazasy taǵaıyndalyp, májbúrli eńbekke tartylyp, medıtsınalyq qyzmetpen aınalysý quqyǵynan aıyryldy», — delingen habarlamada.
Sottalǵannan jábirlenýshiniń paıdasyna 5,8 mln teńge materıaldyq jáne moraldyq shyǵyn óndirildi.
Úkim zańdy kúshine endi.
Qala prokýratýrasy azamattardy medıtsınalyq protsedýralardy qabyldaý úshin tek lıtsenzııasy bar bilikti mamandarǵa ǵana júginýdiń mańyzdylyǵy týraly eskertedi.
