Astanalyq kolledj stýdentteri lX respýblıkalyq chempıonatta kósh bastady
ASTANA. KAZINFORM – Astanalyq kolledj stýdentteri «Worldskills-2024» chempıonatynda joǵary nátıjege qol jetkizip, top jardy, dep habarlaıdy elorda ákimdiginiń resmı saıty.
14-18 qarasha kúnderi ótken respýblıkalyq chempıonatqa elimizdiń ár óńirinen 550-den astam stýdent 30 quzirettilik boıynsha ózara saıysyp, bilimidiligi men tájirıbelerin ortaǵa saldy. Olardyń arasynda elektromontaj, energetıka, kirpish qalaý, shanaqty jóndeý, aspazdyq jáne meıramhana isi, IT sheshimderi, WEB-tehnologııalar, mobıldi robototehnıka, mehatronıka, prototıpteý sııaqty quzyrettilikter boldy.
Barlyq komandalyq esep boıynsha Astana qalasynyń stýdentteri 5 altyn, 1 kúmis, 5 qola medaldy, sondaı-aq kásipqoılyq úshin 6 medalon alyp, elimiz boıynsha komandalyq esepte birinshi oryndy jeńip aldy.
Respýblıkalyq baıqaýdyń qorytyndy keshine QR Oqý-aǵartý mınıstri Ǵanı Beısembaev qatysyp, barlyq stýdentti jarqyn belesimen quttyqtady.
Aıta keteıik, jeńimpazdar kelesi jyly Danııada ótetin EuroSkills chempıonatyna qatysý úshin ulttyq quramaǵa kirý múmkindigine ıe boldy.
Eske sala keteıik, buǵan deıin endi oqý ozattary, túrli olımpıada júldegerlerleri, daryndy oqýshylar «Bolashaq» baǵdarlamasy aıasynda bilim ala alatynyn jazǵan bolatynbyz.