Astanalyq kólik júrgizýshileri kók Týymyzdy jelbiretip, 30 shaqyrym júrip ótti
ASTANA. KAZINFORM – Astanada Respýblıka kúnine oraı avtosherý ótti.
Kók týymyzdy jelbiretken kólik júrgizýshileri elordanyń basty kóshelerimen júrip ótti.
Jalpy qashyqtyq 30 shaqyrymnan asady.
Uıymdastyrýshylardyń sózinshe, mundaı naýqannyń mańyzy zor. Bul memlekettik rámizderdi, sonyń ishinde kók baıraqty dáripteýge yqpal etedi. Ári mereke qarsańynda turǵyndardyń kóńil-kúıin kóterýge septesedi.
Naýqan jyl saıyn dástúrli túrde uıymdastyrylyp turady. Bıyldan bastap, basqa qalalarda da jalǵasady.
«Memlekettik rámizderimizdi jalpy qala turǵyndary arasynda, halyq arasynda keńinen nasıhattaǵymyz keledi. Bul bastamany qolǵa alyp otyrǵan QR Mádenıet jáne aqparat mınıstrliginiń jastar jáne otbasy komıteti. Bul shara jylda dástúrge aınalǵan, trendke aınalǵan shara», — deıdi QR Mádenıet jáne aqparat mınıstrligi Jastar isteri komıtetiniń basqarma basshysy Aqulan Tastemir.
