Astanalyq qyz Afrıkada bastaýysh synyp oqýshylaryn oqytyp júr
ASTANA.KAZINFORM — Astanalyq Danel Bersebaeva Senegal astanasy Dakarda jergilikti mekteptiń bastaýysh synyp oqýshylaryna sabaq berip júr.
— Men Afrıkaǵa úsh aı buryn óz magıstratýram boıynsha almasý baǵdarlamasy arqyly keldim. Maqsatym tek týrıst bolý emes, qyzyqty volonterlik jobamen aınalysý boldy, — deıdi Danel Jibek Joly telearnasyndaǵy «Bugin LIVE» baǵdarlamasynda.
Stýdent qazirgi ýaqytta balalarǵa matematıka, frantsýz tili, geografııa jáne aǵylshyn tilinen sabaq beredi. Sonymen qatar mektepterge keńes quraldaryn taratyp, qujattarmen jumys isteıdi jáne demeýshilerdi tartady.
Senegalda tez beıimdelýge oǵan Frantsııadaǵy magıstrant dostary kómektesti. Volonterlik tájirıbeden bólek, Danel magıstratýrany aıaqtaǵan soń óz mamandyǵy boıynsha jumys izdeýdi josparlap otyr. Memlekettik kompanııadan usynys kelse, ony qýana qabyldaıtynyn aıtty.