Astanalyq gımnastshylar el chempıonatynda úzdik atandy
ASTANA. KAZINFORM — Astanada úsh kúnge sozylǵan kórkem gımnastıkadan sport sheberleri arasyndaǵy Qazaqstan Respýblıkasynyń chempıonaty óz máresine jetti. Atalǵan chempıonatta kópsaıys boıynsha Astana qalasynyń kórkem gımnastary joǵary nátıje kórsetip, jeńis tuǵyrynan kórindi. Bul týraly elorda ákimdiginiń resmı saıty jazdy.
El birinshiligine Qazaqstannyń 14 óńirinen kelgen 80-nen astam sportshy qatysyp, ózara myqtyny anyqtady.
Jeke baǵdarlama boıynsha komandalyq esepte Astana qalasynyń quramasy І oryndy ıelendi.
Komanda quramynda:
• Aqmaral Erekesheva;
• Aıbota Ertaıqyzy;
• Aıym Meıirjanova;
• Darııa Kósherbaeva.
Jeke baǵdarlamadaǵy kópsaıys fınalynda:
• І oryn – Aqmaral Erekesheva;
• ІІІ oryn – Aıym Meıirjanova.
Al toptyq baǵdarlama boıynsha kópsaıys fınalynda №1 Ulttyq qurama komandasy І orynǵa ıe boldy.
Komanda quramynda:
• Jasmın Júnisbaeva;
• Aıda Hákimjanova;
• Krıstına Chepýlskaıa;
• Madına Myrzabaı;
• Aızere Keńes;
• Aızere Nurmaǵambetova.
Aıta keteıik, jarys jeke jáne toptyq jattyǵýlar boıynsha ótti. Gımnastar shyǵyrshyq, dop, taspa jáne shoqparmen óner kórsetse, toptyq jattyǵýlarda birneshe kompozıtsııalyq baǵdarlama usynyldy.
Aıta keteıik, kórkem gımnastıkadan Ázerbaıjan astanasy Baký qalasynda ótken álem kýbogynyń 3-kezeńinde el namysyn qorǵaǵan elordalyq Aqmaral Erekesheva júldegerler qatarynan kóringen bolatyn.
