Astanalyq gandbolshylar VI jastar oıyndarynyń chempıony atandy

ASTANA. KAZINFORM – Astanada qol dobynan Qazaqstannyń VI Jastar oıyndary óz máresine jetti. Apta boıy jalǵasqan dodada 2004 jyly týǵan qyzdardan quralǵan jeti komanda baq synasty. Bul týraly Astana qalasynyń ákimdigi málim etti.

Jarysqa Astana, Shymkent qalalarynan, Pavlodar, Túrkistan, Aqtóbe, Qaraǵandy jáne Qyzylorda oblystarynyń sportshylary qatysty. Tartysty ótken kezdesýler nátıjesinde Astana qalasynyń quramasy úzdik oıyn kórsetip, altyn medal jeńip aldy. Shymkent qalasynyń komandasy kúmis júldege qol jetkizse, Qaraǵandy oblysynyń qyzdary qola júldeni ıelendi.

Esterińizge sala keteıik, aqpan aıynda bastaý alǵan VI jastar oıyndary qazan aıyna deıin jalǵasady. Tórt jylda bir ótetin dúbirli dodada elimizdiń barlyq óńirinen jınalǵan sportshylar sporttyń 34 túri boıynsha synǵa túsedi.

Buǵan deıin habarlanǵandaı, Gandboldan Qazaqstan áıelder quramasy Sıngapýrdy jeńdi.