Astanalyq dárigerler júkti áıeldiń mıyna ota jasady

ASTANA. KAZINFORM – Elordalyq dárigerler júkti áıeldiń mıyndaǵy isikke operatsııa jasap, bir ýaqytta balasyn aman-esen bosandyryp aldy, dep habarlaıdy 24kz.

Kúrdeli em-domdy Ulttyq neırohırýrgııa ortalyǵynyń neırohırýrgteri men ana men bala ǵylymı ortalyǵynyń akýsher-gınekologtary birlesip jasady. Júkti kelinshektiń jaǵdaıyna alańdaǵan mamandar bas neırohırýr Serik Aqsholaqovtyń basshylyǵymen shuǵyl konsılıým ótkizip, biraýyzdan operatsııa jasaý týraly sheshim qabyldaǵan.

Neıronavıgatsııalyq júıeni qoldana otyryp jasaǵan em-dom sharasy shamamen segiz saǵatqa sozyldy. Qazir ana men jańa týǵan náresteniń jaǵdaıy jaqsy. Anasynyń kórý qabileti de qalpyna kele bastaǵan. Kelinshek Ulttyq neırohırýrgııa ortalyǵynyń, al shaqalaq Ulttyq ana men bala ǵylymı ortalyǵy mamandarynyń baqylaýynda.