Astanalyq áıel tanymal bloger úı alýǵa kómektesemin dep aldap ketkenin aıtty
Jibek Joly telearnasynan shyǵatyn « Ózger» realıtı-shoýynyń kezekti efırine astanalyq Salamat esimdi áıel keldi, dep habarlaıdy QazAqparat.
Kúıeýi 16 jyl buryn qaıtys bolǵan keıipkerdiń 2 jasóspirim uly bar.
Salamattyń kúıeýi órt sóndirýshi bolǵan, biraq qyzmet etý kezinde qaza tapqan. Kúıeýi qaıtys bolǵannan keıin Salamat eki balasymen týystary men jaqyndarynyń kómeginsiz jalǵyz qalady. Tanystarynyń biri kómektesip, 8 jyl boıy ol elordanyń ártúrli nysandarynda aýla sypyrýshy bolyp jumys isteıdi. Turatyn úıi bolmaı, balalarymen birge jertóleni 40.000 teńgege jaldaǵan kezi de bar.
"Basymda nesıelerim bar. Ótken jyly ataqty blogerlerdiń biri baspanaǵa kómektesýge ýáde berip, biraq aıtqan sózinde turmaı joǵalyp ketti, bul bizge aýyr tıdi", - deıdi Salamat.
Panasyz otbasy ómir súrgen jertóledegi MIB tóraıymy oǵan nemquraılyq tanytpaı, depýtat Nurlan Múslimge turǵyn úı boıynsha kómek suraýdy usynǵan. Depýtat kelisip, elordanyń elıtalyq turǵyn úı kesheninde bir jylǵa turǵyn úı jaldaý aqysyn tóleıdi.
Sondaı-aq, olar páter máselesin eskerip, jyl boıy atalǵan problemany birjola sheshýge tyryspaq.
"Ózger" jobasy Salamattyń syrt kelbeti men ishki jan-dúnıesin ózgertý boıynsha jumys istep, oǵan syılyqtar usynyp, áıel retinde baqytty bolýyna yqpal etti.
Sonymen qatar Salamat osy joba aıasynda tamyr aýrýy boıynsha tolyq tekserýden ótip, nátıjesinde eldegi eń jaqsy hırýrgtyń qabyldaýyna jazylýy múmkin.
Aıta keteıik, bul joba elimizdiń túrli óńirlerinen áıelder men erlerdi ózgertýge baǵyttalǵan.
Joba keıipkerlerine ózgeshe jaǵynan qarap, baqytty bolýǵa múmkindik beredi, joba avtory jáne shoý júrgizýshisi - Aıgúl Múkeı.
