Astanalyq áıel balasyn «emdetemin» dep jurtty aldap aqsha jınaǵan

ASTANA.KAZINFORM — Elorda turǵyny balasynyń emine qarajat kerek degen jeleýmen áriptesterin aldap, aqsha jınap alǵan.

Astanada polıtsııa qyzmetkerleri 31 jastaǵy áıeldi jeke paıdasy úshin áriptesteriniń senimin teris paıdalanǵany úshin jaýapkershilikke tartty.

Dekrettik demalysta júrgen áıel basshysyna habarlasyp, balasy terezeden qulap, jansaqtaý bóliminde jatqanyn aıtqan. 

Áriptesteri janashyrlyq tanytyp, em-domǵa kómek retinde aqsha jınap bergen.

Alaıda kóp uzamaı shyndyq ashyldy. Áriptesteriniń biri onyń jubaıyna habarlasqanda, er adam balasynyń aman-esen ekenin aıtyp, áıeliniń aıtqan sózin joqqa shyǵarǵan.

Tekserý barysynda áıeldiń jınalǵan qarajatty jeke qajetine jumsaǵany, sonyń ishinde Túrkııaǵa demalysqa barǵany anyqtaldy.

Alaıaqtyq deregi boıynsha quqyq qorǵaý organdary jedel tekseris júrgizip, kúdiktige qatysty qylmystyq is qozǵady. 

Aıta ketelik polıtsııa ınternet-alaıaqtyqtyń jańa túri týraly eskertken edi.