Astanalyq áıel Aqmola oblysyndaǵy at klýbynda attan qulap, mert boldy
ASTANA. KAZINFORM - Astana turǵyny Aqmola oblysyndaǵy at klýbtarynyń birinde attan qulap, alǵan jaraqatynan kóz jumdy.
Aqmola oblysynyń Polıtsııa departamentiniń málimetinshe, oqıǵa Tselınograd aýdanyndaǵy at klýbtarynyń birinde bolǵan.
Zardap shekken áıeldiń aryzy negizinde 6 shildede qaýipsizdik talaptaryna saı kelmeıtin qyzmet kórsetý faktisi boıynsha qylmystyq is qozǵaldy.
13 tamyzda áıel alǵan jaraqatynan qaıtys boldy.
Osyǵan baılanysty qylmystyq istiń saralanýy ózgertiledi.
Buǵan deıin Atyraý oblysynda poıyz er adamdy qaǵyp ketip, ol oqıǵa ornynda qaza tapqany habarlanǵan bolatyn.
