Astanalyq alpınısterdiń ólimine qatysty túsinik berildi

Eńbek jáne halyqty áleýmettik qorǵaý mınıstrligi Astanada jumys barysynda mert bolǵan alpınısterdiń ólimine qatysty resmı túsinik berdi, dep habarlaıdy Kazinform. 

«Men basqaratyn komıtet memlekettik eńbek ınspektsııasyn qadaǵalaıdy. Onyń ishinde ónerkásip eńbek ınspektsııasy da bar. 12 qazanda Astanada tótenshe jaǵdaı boldy. Іs tergeldi. Nátıjesinde ónerkásiptik alpınızmdi retteıtin norma joq», - dedi QR Eńbek jáne halyqty áleýmettik qorǵaý mınıstrligi eńbek jáne halyqty áleýmettik qorǵaý komıtetiniń tóraǵasy Tólegen Ospanqulov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha ótken jyly Eńbek jáne halyqty áleýmettik qorǵaý mınıstrligi joǵaryda jumys isteýdiń erejesin bekitken.

«Degenmen joǵaryda jumys isteý men ónerkásiptik alpınızm ekeýi eki dúnıe. Ónerkásiptik alpınızm jumys isteý ádisi ónerkásiptik eńbek ınspektsııasyna qaraıdy», - dep túsindirdi ol.

Eske salaıyq, bıyl 12 qazan kúni astanalyq turǵyn úı kesheniniń qurylysynda 4 alpınıst bıikten qulap, qaıtys boldy. 

14 qarashada Astanada ónerkásiptik alpınısterdiń mert bolýyna qatysty JK basshysy qamaýǵa alynǵan edi.