Astanalyq 8-synyp oqýshysy bes asyqtan Qazaqstan chempıony atandy
ASTANA. KAZINFORM — Astana qalasyndaǵy №86 mektep-gımnazııasynyń 8-synyp oqýshysy Gúlim Jumabaı ulttyq sport túri – bes asyqtan Qazaqstan chempıony atandy. Bul týraly elorda ákimdigi habarlady.
Jas sportshy jarys barysynda sheberligi men tabandylyǵyn kórsetip, qarsylastarynan basym tústi. Nátıjesinde jeńis tuǵyrynan kórinip, el chempıony atandy.
Bul jetistik — Gúlim Jumabaıdyń tynymsyz eńbegi men júıeli daıyndyǵynyń nátıjesi.
Keleshek mektepterinde oqýshylar asyq atyp, toǵyzqumalaq oınaıdy
Aıta keteıik, «Adal azamat» birtutas tárbıe baǵdarlamasy aıasynda elimizdegi Keleshek mektepterinde úzilis kezinde ulttyq oıyndar oınaý tájirıbesi júıeli túrde júrgizilip jatyr. Bul bastama oqýshylardyń bos ýaqytyn mazmundy uıymdastyrýdyń jańa tásili retinde engizildi.
Máselen, Astana qalasyndaǵy № 92 mektepte dálizdiń bir bóligi ulttyq oıyndarǵa beıimdelip, qajetti qural-jabdyqtarmen qamtamasyz etilgen. Osynyń nátıjesinde oqýshylardyń ulttyq bolmysty tanýyna jáne óskeleń urpaq arasynda tarıhı-mádenı muralarǵa qurmet qalyptastyrýǵa jol ashyldy.
