Astanalyq 4 pedagog halyqaralyq hakaton jeńimpazy atandy
ASTANA. KAZINFORM — Astana qalasynan 26 pedagog respýblıkalyq kezeńge ótip, Pedagogıkalyq hakatonǵa qatysýǵa joldama aldy. Nátıjesinde 4 pedagog jeńimpaz atanyp, halyqaralyq taǵylymdamadan ótý múmkindigine ıe boldy, dep habarlaıdy elorda ákimdiginiń resmı saıty.
Pedagogıkalyq hakaton jeńimpazdary:
• Batyrbaeva Aıgerim Qaıratqyzy — Astana Garden International School mektebiniń bıologııa páni muǵalimi;
• Rahmetov Qambar Sansyzbaıuly — M. Dýlatuly atyndaǵy № 68 mektep-gımnazııanyń kórkem eńbek páni muǵalimi;
• Turǵalıeva Aıajan Qaıratqyzy — Astana qalasy ákimdiginiń «Tehnologııalyq kolledji» ShJQ MKK fızıka pániniń muǵalimi;
• Skrıpkına Olga Aleksandrovna — Kemel Mekteby bastaýysh synyp muǵalimi.
Olar kásibı sheberligi men ınnovatsııalyq jobalardy ázirleýdegi joǵary nátıjeleri úshin jeńimpaz dep tanylyp, Ońtústik Koreıa Respýblıkasynda bilim berý salasy boıynsha halyqaralyq taǵylymdamadan ótý quqyǵyna ıe boldy.
Aıta ketsek, buǵan deıin qazaqstandyq muǵalimniń halyqaralyq INSPIRATION AWARD syılyǵynyń ıegeri atanǵanyn habarlaǵanbyz.
