Astanalyq 28 sarbaz memlekettik kúzet qyzmetinde áskerı mindetin óteıdi
Elordada memlekettik kúzet qyzmetine shaqyrylǵan sarbazdar áskerı mindetin óteýge saltanatty túrde shyǵaryp salyndy, dep habarlaıdy Kazinform tilshisi.
«Astana qalasy qorǵanys isteri departamentiniń memlekettik kúzet qyzmeti bólimshesin jasaqtaý josparyna sáıkes 28 sarbaz áskerı mindetin óteýge jiberilip jatyr. Olar otan aldyndaǵy boryshyn memlekettik kúzet qyzmetinde óteıdi. Búgin saltanatty is-shara áskerge shaqyrylýshylarǵa jergilikti áskerı basqarý organdarynyń kózqarasyn kórsetý úshin uıymdastyrylyp otyr. Sarbazdyń joǵary bilim bolǵan jaǵdaıda áskerden keıin kelisimsharttyq qyzmetke qalýǵa jáne bolashaqta ofıtserlik laýazymdarǵa úmitker bolýǵa múmkindigi bar», - dedi Qazaqstan Qarýly kúshteri bas shtabynyń uıymdastyrý-jumyldyrý jumysy departamentiniń bastyǵy general-maıor Baýyrjan Artyqov.
Odan bólek, sarbazdar joǵary oqý oryndarymen jasalǵan memorandým negizinde áskerı mindetin óteı júrip, 6 aıdan keıin oqýǵa túsýge daıyndyqpen aınalysa alady.
«Qarýly kúshter men basqa da áskerlerdiń joǵary oqý oryndaryna túsýge nıet bildirýshiler medıtsınalyq komıssııadan ótedi jáne oqýǵa túsýge úmitker retinde UBT-syz qabyldanady. 60-tan astam joǵary oqý oryndary qyzmet merzimi aıaqtalǵannan keıin sarbazdar erikti túrde oqýǵa túsýge ótinish bere alady. Áskerge shaqyrylýshylar Astanada memlekettik kúzet qyzmetiniń bólimshesinde óteıdi», - deıdi ol.
Memlekettik kúzet qyzmetinde áskerı mindetin óteýshilerdiń arasynda qazaqstandyq tanymal telejýrnalıst Dınara Sátjannyń uly da bar.
«Men ulymnyń sheshimin qoldaımyn, ol óz erkimen qabyldady. Áskerdegi bir jyl otan aldyndaǵy áskerı mindetin óteý. Bul ulymnyń azamattyq boryshy. Áskerden keıin ár sarbaz odan kúshtirek bolatynyna senimdimin. Elimizdiń qaýipsizdigi óte mańyzdy ekenin túsiný kerek. Meniń oıymsha, áskerı mindetti barlyǵy óteýi tıis», - deıdi telejúrgizýshi.
