Astanaǵa Jambyl oblysynan 16,4 myń tonna azyq-túlik jetkizildi
Jambyl oblysy ákimdiginiń baspasóz qyzmetiniń málimdeýinshe, EKSPO-2017 kórmesi kezinde elorda turǵyndary men qonaqtaryn Jambyl oblysynyń azyq-túlik ónimderimen qamtamasyz etý maqsatynda oblystan 16,4 myń tonna taýar jetkizý josparlanyp otyr. Olardyń 3,4 myń tonnasy jármeńkeler arqyly satylymǵa shyǵady. Sút jáne shujyq ónimderin óndirýshiler taýarlaryn satýdy Astanadaǵy resmı ókilder arqyly júzege asyrady. Taýarlardyń qalǵan bóligi - 12,3 myń tonna taýar ótinishter berý arqyly oblys qoryn qamtamasyz etetin bolady.
«Maýsym aıynan qyrkúıek aıyna deıin Astanada Jambyl oblysynyń 6 kórmelik jármeńkeleri ótkizilip, onda 3 myń 411 tonnadan turatyn negizgi azyq-túliktiń 18 túri usynylmaqshy. 10-11 maýsym jáne 1-2 shilde kúnderi elordadaǵy «Qazaqstan» sport kesheniniń aldynda Jambyl oblysynyń aýyl sharýashylyǵy ónimderin óndirýshilerdiń eki jármeńkesi ótkizildi. Onda 353,4 tonna taýar 286,8 mln teńgege ótkizilip, bazardaǵy baǵadan 10-20%-ǵa arzandatylyp satyldy.
«29-30 shilde, 19-20 jáne 26-27 tamyz kúnderi, sondaı-aq, 9-10 qyrkúıek kúnderi de jármeńke ótkiziledi dep josparlanyp otyr», - deıdi Jambyl oblysy ákimdiginiń aýylsharýashylyǵy basqarmasynyń basshysy Nurjan Nurjigitov.
